माओवादी केन्द्रले ढुंगेलको रिहाईको माग गरिरहेका बेला एमालेले स्वागत गरेपछि वाम गठबन्धन भत्किने खतरा बढेको छ । गठबन्धनमा विवाद उत्पन्न भई भत्किन सक्छ । किनकि माओवादी कार्यकर्ता सबै ढुंगेल रिहाईको पक्षमा छन् भने एमालेहरु जेलमै हाल्नुपर्ने पक्षमा । यो मतभिन्नता स्थानीय स्तरसम्म देखिइ गठबन्धनमा समस्या उठ्ने निश्चित छ ।
रिपोर्टर्स क्लब नेपालले मंगलबार आयोजना गरेको साक्षात्कारमा नेता मिश्रले तोकिएकै मितिमा निर्वाचन हुने बताउँदै एमाले–माओवादी केन्द्रवीच बनेको गठबन्धनबाट कोही पनि आँत्तिनुपर्ने अवस्था नएको जिकिर गरे । उनले भने,‘यो हाम्रो गठबन्धन एकदलीय अधिनायकवादको लागि होईन, यो समृद्धि र स्थायित्वको लागि हो।’
एमाले विकासको बाधक भनेर कांग्रेसले घोषणापत्रमै लगाएको आरोप नै गलत भएको जिकिर गर्दै मिश्रले भने,‘नेपालमा न कहिल्यै कम्युनिष्ट शासन आउँछ, न हामी लोकतन्त्रको विपक्षमा उभिन सक्छौं, त्यसैले हामीलाई विकासको बाधक भन्नु नै गलत आरोप हो ।’
Comments
Post a Comment