केन्द्रीय अनुसन्धान ब्युरो, महाराजगन्जका अनुसार नक्कली आईडीबाट बहुमूल्य सामान, बेलायती पाउन्ड र अमेरिकी डलरसमेत भएको पार्सल पठाइदिने र त्यो भारतको राजस्व कार्यालयमा अड्किएको भन्दै रकम मागेर ठगी गर्ने कार्यमा उनी संलग्न थिए । राजधानी दैनिकमा समाचार छ ।
यसअघि ब्युरोले आईएमईमार्फत रकम पठाउन लगाउने पवन न्यौपाने र प्रदीप सुब्बालाई पक्राउ गरिसकेको थियो । उनीहरूबाट रकम लिएर हुन्डीमार्फत भारत पठाउने कार्यमा अग्रवालको संलग्नता खुलेपछि आइतबार उनलाई पक्राउ गरिएको प्रहरीले जनाएको छ ।
यसैबीच अवैध बिट क्वाइन सञ्चालन गर्ने बिटसेवा डटकमका सञ्चालक पुरुषोत्तमधर तुलाधर र अध्यक्ष राम ढकाल पक्राउ परेका छन् ।
प्रहरी केन्द्रीय अनुसन्धान ब्युरो (सीआईबी) टोलीले पोखरा र काठमाडौंबाट उनीहरूलाई पक्राउ गरेको हो । नेपाल राष्ट्र बैंक ऐन, २०५८ को बर्खिलाप हुनेगरी नेपाल राष्ट्र बैंकसँग कुनै इजाजत नै नलिई उनीहरूले यो सेवा सुरु गरेको प्रहरीले जनाएको छ ।
उनीहरूले अनलाइनमार्फत खरिद–बिक्री गर्ने गरेका थिए । उनीहरूमाथि राष्ट्र बैंक ऐन, २०५८ बमोजिम अनुसन्धान भइरहेको छ ।
Comments
Post a Comment