अमेरिकाको न्यूयोर्कमा आईएसको आक्रमण, ८ को मृत्यु, १५ गम्भीर घाइते

न्यूयोर्क, १५ कात्तिक, अमेरिकाको न्यूयोर्कमा आतंकवादी आक्रमणमा परी ८ जनाकाृ मृत्यु भएको छ भने १५ जना गम्भीर घाइते भएका छन् । घटना आतंकवादी समूह आईएसले गराएको जनाइएको छ ।

आईएससंग आवद्ध २९ वर्षीय ट्रक चालक सेफुल्लो साइपोभले साइकल लेनमा जथाभावी ट्रक गुडाएर उक्त दुर्घटना गराएका हुन् ।

साइकलको लेनमा जथाभावी ट्रक चलाउँदा साईकल यात्रीसंगै पैदलयात्री समेत मारिएका हुन् ।

घटना लगत्तै प्रहरीले चालकलाई पक्राउ गरेको छ । ती चालक सन् २०१० मा अमेरिका प्रवेश गरेका आप्रवासी भएको जनाइएको छ ।
लोअर म्यानहटनको साइकल लेनमा एक ड्राइभरले ट्रक चलाउँदा ८ जनाको ज्यान जानुका साथै ११ जना घाइते भएको स्थानीय अधिकारीलाई उद्धृत गर्दै सिएनएनले जनाएको छ ।

२९ वर्षका ट्रक चालकलाई प्रहरी अधिकारीले गोली प्रहार गरी पक्राउ गरेका छन् । उनको नाम सेफुलो साइपोव रहेको र उनी सन् २०१० मा अमेरिका गएका आप्रवासी रहेको अधिकारीले बताएका छन् ।

 उनी अहिले फ्लोरिडामा बस्दै आएका थिए । न्युयोर्क सिटीका मेयर बिल डि ब्लासिओले सर्वसाधारण मानिसमाथि भएको आक्रमण कायर तथा आतंकवादी रहेको बताउनुभएको छ ।

न्युयोर्क प्रहरी विभागले घटनामा घाइते भएकाको अवस्था गम्भीर रहेको तर उनीहरुको ज्यान जाने खतरा भने नरहेको बताउनुभएको छ । न्युयोर्कमा सन् २००१ को सेप्टेम्बर ११ मा भएको आक्रमणपछिको यो ठूलो आक्रमण हो ।