विरवास दुर्घटनामा ११ जना मृतकहरु मध्ये ४ को अन्त्यष्टी अझै हुन सकेन

गुल्मी, कार्तिक–१४ । यहि कार्तिक १३ गते दिउँसो गुल्मीको विरवासमा भएको माईक्रो वस दुर्घटनामा परी मृत्यु हुनेको संख्या ११ पुगेको छ ।
 ९ जना घाईते पाल्पाको मिशन र प्रभास अस्पतालमा उपचार गराई रहेका छन् । घाईते मध्ये ५ जनाको अवस्था गम्भीर रहेको जिल्ला प्रहरी कार्यालयका प्रहरी निरीक्षक डाक्टरप्रसाद चौथरीले बताए ।

मृतक मध्ये ७ जनाको शव सनाखत गरी परिवारलाई बुझाईएको र ४ जनाको शव पाल्पा अस्पतालम मै रहेको सो कार्यालयका प्रमुख प्रहरी उपरीक्ष अनुराग कुमार द्धिवेदीले जानकारी दिए ।

दुर्घटना तिव्रगतिले हुन गएको प्रारिम्भक अनुसन्धानले देखाएको जिल्ला ट्राफिक प्रमुख डोरबहादुर थापाले बताए ।

 २०५० सालमा ३७ जनाको ज्यान जाने गरी उर्लेनीमा भएको बस दुर्घना पछि गुल्मीमा पछिल्लो यो दुर्घटना दोश्रो ठुलो दुर्घटना भएको थापको भनाई छ ।

माओवादी केन्द्रद्धारा दुख ब्यक्त

यसै विच उक्त दुर्घटना म प्रति नेकपा माओवादी केन्द्र गुल्मीले गहिरो दुख व्यक्त गरेको छ । सो पार्टीले बैठक वसी मृतकहरु प्रति शोक प्रकट गर्दै शोकसन्तव्ध परिवारजनहरु समक्ष समावेदना प्रकट गरेको छ । माओवादी केन्द्र गुल्मीले दुर्घटनामा परी घाईते हुनु भएका प्रति सिघ्र स्वाथ्य लाभको कामना समेत गरेको छ ।